恭喜晒！接受傳媒電話訪問時話一家人都好開心，佢話唔使老公獎勵：「我獎佢啦，幫佢生咗個仔，大家都開心，話晒隔咁多年(大女Kesha今年6歲)，終於幫家姐有個細佬。但老公地位越來越低，哈哈，理佢唔到，要顧住小朋友先。」
40歲嘅汪琳日前再添一子，囝囝重6.8磅，眼仔睩睩，似足媽咪。
汪琳囝囝對眼同爸爸、媽媽、家姐一齊咁大，全家都好似樣。
汪琳話家姐Kesha完全冇呷醋，仲幫細佬改英文名，汪琳話﹕「家姐諗咗三個英文名，一個係迪士尼卡通支蠟燭Lumiere，另一個係孖寶兄弟個細佬Luigi，我話唔好諗呢啲啦，全部係卡通人物，之後佢睇咗一套戲，大家都好鍾意Lewie呢個名。」汪琳透露Kesha好緊張細佬，佢話：「家姐覺得細佬好可愛，點解手仔腳仔咁細。因為BB要抽血，佢又問點解咁細個腳仔要貼膠布，咁咪好痛，好肉緊，好錫細佬。」
汪琳話囝囝喊聲好似怪獸，非常搞笑。
汪琳話囝囝喊聲好搞笑，佢話：「好似怪獸咁，可能有比較啦，家姐好尖好響，佢就『蛙蛙』聲線咁，但就同家姐一樣咁大聲。」問到會否餵人奶？佢話：「會呀，努力緊，哎吔，又要由頭嚟過，努力湊大小朋友。」
（on.cc）
