歌手蘇永康今日孖太太馮翠珊及囝囝Jazz現身書展出席活動，一歲大的Jazz由媽媽拖住手淡定走入會場，非常可愛！
蘇永康現身書展場地出席活動
好耐無見過Jazz喇！
受訪時蘇永康講到早前跟好友許志安到峇里玩。
自爆曬日光浴時不慎曬傷，導致全身現時呈甩皮狀態：「安仔要趕去睇世界盃就早一日走咗，我就留多日，咁嗰日個天係布滿密雲，就自己喺戶外曬咗兩個鐘，點知就被紫外光曬傷，臨上機前就即刻去買Mask，搭飛機急敷3塊Mask，仲叫空姐雪入雪櫃先用。喺我知識入面曬傷之後會發脹，要即刻收縮番去處理。」
咁樣睇真係好嚴重，睇下隻手！
塊面仲係紅紅腫腫咁，好陰公！他又指面部有即時用毛巾捽甩死皮才冇事：「但個身一捽就畀我老婆話落雪。」
咁樣對比，Jazz白雪雪，皮膚滑滑～
(on.cc)
