藝人鄭嘉穎與陳凱琳（Grace）被東網率先爆結婚趕生B，二人將於下月12日於峇里舉行婚禮，近日更不停傳出已懷孕，雖然當事人已否認，但有人爆料指陳凱琳在母親陪同下，三次現身九龍法國醫院產檢。
今日又有知情者透露，陳凱琳係意外有咗，原本已經諗住結婚生B，點知7月初發現「中咗」，仲話佢知道好消息後，第一時間打畀嘉穎報喜，形容係天賜嘅禮物。
連日來都大方回答記者問題的陳凱琳父母，唔知係咪怕被追問產檢一事，全日未見現身寓所，至於陳凱琳亦一直「潛水」冇露面。
不過，鄭陳下月舉行婚禮，再加上嘉穎生日，如今傳埋Grace有喜，認真係三喜臨門！
(on.cc東網)
