琴日係兩人結婚5周年嘅大日子，而佢哋已經育有三個可愛嘅囝囝，分別係8歲嘅Kimi同埋兩歲嘅孖仔Jenson、Kyson。
兩公婆都有喺社交網同大家分享佢哋結婚5周年嘅喜悅，而老婆喺ig貼咗佢着鬆身裙嘅相，睇落孕味十足，好多網民就懷疑佢懷第三胎！？
台灣「小旋風」林志穎同老婆陳若儀一對孖仔已經兩歲幾，十分可愛(互聯網圖片)
陳若儀前日喺ig貼咗幾張自拍相，留言話：「你們喜歡哪種笑？露牙齒還是不露牙齒笑呢？」
陳若儀(互聯網圖片)
其中一張相就見到佢嘅全身，見到佢推住手車購物車，着住格仔鬆身裙，腹部微隆咁，有網民就關心到佢係咪有喜。
陳若儀晒自拍全身相，有網民話佢肚凸凸，疑似有咗(互聯網圖片)
而有傳媒就問到小志係咪想生個女，佢就話：「想太多了唷，若有好消息會跟大家分享啦。」
（apple daily）
