【兩年前慘遭受辱】官恩娜身體力行獲港媽激讚

靚媽官恩娜(Ella)最近就同老公及一對仔去咗瑞士旅行,雖然囡囡BéBé A只得6個月大,但Ella都唔怕辛苦仲帶埋一對仔女上瑞士莫雷松山(Moléson peak)。

廣告

一人抱一個。

 

更在高山上餵人奶,Ella留言謂:「BéBé A having lunch on top of the 2002m Moléson mountain (BéBé 在2,002米高的莫雷松山食午餐)」

廣告

照片所見,Ella同老公都兩手揈揈,唔似一般媽媽咁一袋二袋,呢個就係餵人奶嘅好處,隨時隨地都餵得。

人仔細細就可以去瑞士旅行。

Ella一向身體力行提倡餵母乳,不過其實她在2016年時因餵母乳而慘遭受辱。當時Ella在網上分享一次在得到酒店職員批准的情況下,在香港某五星級酒店女更衣室餵母乳的時候,遇到一名中年女人無理侮辱的難忘經歷。

她寫道:「喺我所在嘅兩層樓都搵唔到育嬰室,而且問准更衣室職員餵母乳,俾一個中年女人侮辱!其實我已經故意坐埋一邊唔好阻住人……佢走過嚟故意喺bébé G嘅頭殼頂上面,同我塊面側邊大聲敲打電話,同大聲閙有人喺度餵人奶!再超級大聲喺bébé G頭殼頂打電話畀酒店各部門投訴,問人哋知唔知女更衣室發生緊乜嘢事!bébé G都俾佢嚇到喊咗出嚟……寶寶飲媽媽嘅母乳係最天然不過嘅事!我覺得無論如何都唔應該咁樣對一個五個月嘅嬰兒!」

某5星級酒店的更衣室餵仔仔母乳時遭中年婦投訴,當時她將事件放上網,更hasgtag餵母乳無罪!受到好多母乳媽媽的認同及讚賞。

Ella一直堅持母乳餵哺(資料圖片)
Ella曾在網上分享自己的母乳「戰」績。

 

(on.cc)