近日黎姿（現名馬黎珈而）趁三個寶貝女放暑假，上星期飛咗去外地度假，前幾日佢仲同對孖女慶祝8歲生日。
噚日黎姿喺佢IG貼咗幾張新相，相中嘅佢頭戴草帽，着住件桃紅色襯衫，而背景喺藍天白雲，同埋好多棕櫚樹，應該佢身處緊一個度假勝地，黎姿仲留言寫住︰「你們知道我又愛又恨的是甚麼嗎？」唔少網民都回應話︰「曬太陽？」雖然黎姿冇答，但有眼利嘅網民就話嗰度係夏威夷。
之後黎姿仲貼咗張，佢一拖三個女嘅背脊相，三個囡囡都T恤、短褲、束辮同人字拖，而且佢哋三個高度都差唔多，至於黎姿除咗草帽、襯衫外，下身穿咗條白裙踢住拖，仲攞住個滕織嘅沙灘袋，真係好溫馨呀！
(蘋果日報)
