佢於微博寫道：「我是個任性的人，這一路跌跌撞撞的走來，發現人生要學習的地方還有很多。我曾經想過如果我嫁人了，一定不是因為年紀到了，更不是因為彼此條件適合，只有一個原因：嫁給他，嫁給愛情。」
現年31歲嘅佢上月頭被爆有新歡，三月公開新戀情嘅佢收收埋埋，原來佢已經極速閃婚！曾先後戀上藝人吳卓羲、李晨等嘅張馨予…
曾戀吳卓羲 (資料圖片)
今次唔揀圈中人，轉攻大陸反恐特工何捷，佢仲忽然喺微博晒出一系列靚相，高調宣佈佢已經結咗婚喇～
當中嘅相就紀錄咗佢被老公浪漫求婚嘅Sweet爆咀嘴相，跟住又大晒大大粒鑽石戒指…
轉頭又有溫馨錫額頭嘅領證相。
今次內地女星張馨予真的結婚了。
當然唔少得靚仔靚女嘅純潔婚照，所有相都擺晒喺微博任睇，貫徹張馨予愛喺網上晒肉麻嘅高調性格！
兩個人外形襯到絕，有指何捷係特種兵、高級反恐人才，人稱軍營版楊洋。佢曾喺部隊比賽中獲得三個科目全場個人最好成績，他又參加過知識競賽節目《一站到底》，有指二人係透過綜藝節目中認識，繼而譜出戀曲。
(on.cc)
