【突上載合照】G.E.M. 鄧紫棋:珍惜眼前人!

    G.E.M.:「珍惜眼前人!多陪伴,多珍惜,爭取時間去愛,……」

    歌手鄧紫棋(G.E.M.)一向積極更新社交網,今次佢唔係上載一班好姊妹嘅合照,而係晒出同外公嘅合照同生日蛋糕相,原來佢飛咗去上海同外公慶祝80大壽!佢喺IG留言:「珍惜眼前人!多陪伴,多珍惜,爭取時間去愛,外公80大壽,剛好能趕上在上海為他慶祝,幸好沒有錯過。」

    另外,佢又喺Facebook透露喺上海開兩場演唱會,好彩趕得切陪外公慶生:「還見到舅舅和小表弟融融和很多從小看我長大的親戚,很開心很滿足!上海的大家真的好棒,切切實實讓我覺得一切都是浮雲,積極去愛、去享受當下每一刻的笑或痛,才是活著(着)最重要的事!答應你們,無論未來去到哪裡(裏),我一定時常回來❤️」

    相中佢戴上Cap帽,笑容燦爛,而外公個樣就好精靈,唔少網民都有紛紛留言同G.E.M.外公祝壽!

     

    (on.cc)

    SHARE