藝人吳若希（Jinny）2017年4月生咗囡囡淼淼，但當時佢未有公開淼淼樣貌，不過就竟然被「出賣」，囡囡正面相喺網上流出，令佢焗住再晒正面全家福！
之後Jinny為咗保護女兒，都會刻意用Emoji遮住囡囡樣貌，或者只有側面相，不過佢呢日竟然激罕晒淼淼全相仲冇打格噃！
佢喺Instagram上載《森美旅行團》聚會大合照，見到淼淼坐喺佢大髀，啜住奶嘴！唔少網民都大讚非常可愛，又笑問Jinny：「做乜唔打格？」
而拍檔丁子朗都有上載佢同Jinny兩母女合照，不過佢就為淼淼用Emoji遮住對眼，真係好細心呀！
(on.cc東網)
