日前陳茵媺（Aimee）一拖三從多倫多探親後返港，自認係湊仔公嘅陳豪已經喺機場話，3名子女返到香港要適應時差，估唔到真係俾佢講中咗。
今晚Aimme喺社交平台上貼圖，見到佢3個仔女陳梓燁（Aiden）、陳浩鋒（Nathan）、陳凱婷（Camilla）「暈倒」喺梳化上，佢以英語留言透露，3名子女因為時差問題，所以就算喺開得好大聲嘅電視前面，都照瞓可也。
而班仔女仲會輪流喺晚上11點、半夜2點及4點叫醒父母，而Aimee慶幸今日老公陳豪唔使開工，所以可以keep住要班仔女忙錄，等媽咪有啲時間處理其他嘢。見陳家3名子女真係好攰咁，睇嚟阿「Mo爸」陳豪，真係有啲計仔喎！
(蘋果日報)
