森美今日以百變造型跟小朋友參與紅磡舉行《時光倒流打工仔》活動，希望將理財智慧傳給小朋友。已貴為父親嘅森美覺得教小朋友理財概念，應該由物品價值為先，等小朋友從小便明白物品價值及需要性，不會變成任何物品都買。
講到佢嘅理財概念，森美笑住話:「我細個嘅時候係住寄宿學校，啲同學嘅Daddy個個都係揸benz，我老竇就揸的士，所以就令我知道有錢同冇錢嘅分別，其實咁樣係唔好，應該令到小朋友知道有錢同冇錢都可以有快樂。」
到現在教仔女，森美都盡量用呢套教仔女，雖然如此，佢承認都會盡量畀最好嘅嘢仔女，佢話:「我個女好鍾意筆袋，好似佢有七個筆袋，但係佢可以解釋到每一個筆袋有唔同嘅功能，例如裝畫筆用、考試用、裝長啲嘅筆，我望住佢啲筆袋就好似望住我太太啲手袋一樣，好難攪。」
（apple daily）
