藝人劉浩龍出席活動，他之前特意操肌影寫真，講到尺度，他表示有着褲，又謂9月會再影，所以日前食了生日飯的他表示要再操番。
問到13號生日會怎樣慶祝？他表示：「約咗梁浸浸呀，今年心願係單獨約佢食飯，係我最好嘅生日禮物。」
問到與他關係撲朔迷離的天后容祖兒可有約他食飯？他即謂：「淨係得梁浸浸！（之後冇喇？）過咗生日啦，要等下年，連公司同事食飯都係一次過食晒。」
問到祖兒可有送禮？他表示：「我今年冇收到任何一份禮物，呢幾年叫朋友唔好送，做善事好啲。」至於講到他會跑步聽歌，問到歌單可會有祖兒的《跑步機上》？他就說：「我聽英文歌多啲。（咁即係有定冇？）聽外國歌比較多。（即係冇？）但我又冇答你冇。」
(on.cc東網)
