【佗B四個月】宣佈BB性別!

又指仲未為BB改名,打算生完先至舉行婚禮。問到理想中嘅婚禮係點樣?佢直言:「我要那種超傳統。。。」又大爆拍拖1年就閃婚嘅原因係:「真愛呀!」

廣告

廣告

35歲台灣女星陳意涵與導演男友許富翔未婚懷孕,兩人趁今日係七夕情人節喺台北登記結婚。據知兩人於今早10點半現身,而陳意涵爸爸與一眾親友亦有出席。陳意涵以桃紅色上衣配牛仔短褲示人,4個月嘅肚睇起嚟唔算太明顯。而佢亦相當識做,即場錫錫許富翔塊面畀傳媒影相,心情靚爆!

另外,陳意涵大方承認腹中BB係男仔,又大爆得知佗B後嘅反應:「當下立刻就罵了一句髒話,沒有啦,其實很開心。」又指仲未為囝囝改名,打算生完先至舉行婚禮。問到理想中嘅婚禮係點樣?佢直言:「我要那種超傳統,封街、搭棚、有桌巾的流水席,請大家來唱歌,還要有流動廁所。」又大爆拍拖1年就閃婚嘅原因係:「真愛呀!」

講到求婚細節,佢表示求婚地點係喺屋企:「另一半該做的還是有做,該給的還是有給。」不過佢就唔係太滿意細節,又大爆老公送咗至少1卡鑽戒。而有咗BB之後,佢肥咗1公斤,依家體重大約48公斤。心情大靚嘅佢仲笑言可以倒立:「我做很多運動都有諮詢醫生,只要媽媽本身沒有不舒服都可以做,現在唯一不能坐的就是滑雪。」

(on.cc東網)