【似爸爸定媽媽多啲?】攣毛B囡眼仔睩睩超可愛!

今日佢就喺Instagram貼出Lucy新相,佢變咗攣毛B,萌到不得了,仲留言話:「登登登……登#點解阿女變咗貝多芬#電咗髮 #扮可愛」眼睛大如波子,好精靈活潑!

42歲嘅李璨琛12年同時裝設計師嘅梁志瑩結婚,今年3月,佢哋愛情結晶品李元元(Lucy)出世,囡囡確實係父親前世情人,李璨琛對住囡囡即冧爆,Lucy已5個月大,識笑識陪人玩,今日李璨琛就喺Instagram貼出Lucy新相,佢變咗攣毛B,萌到不得了,李璨琛留言:「登登登……登#點解阿女變咗貝多芬#電咗髮 #扮可愛」Lucy眼睛大如波子,好精靈活潑,佢個樣生得同爹哋李璨琛餅印一樣,不過爹哋卻搞笑話佢似著名作曲家貝多芬。

李璨琛升呢爹哋,有女萬事足,佢樂得湊女為樂,不時喺Ig貼出愛女相,佢有日仲貼出父女喺梳化攤抖相,廿四孝爹哋仲為囡囡Lucy搧涼,佢留言:「大熱天時唔比人開冷氣,搞到我要幫個女撥扇,睇下Lucy個樣幾無奈,#出汗#排毒 #心靜自然涼個屁。」

李璨琛仲會餵奶,佢好享受父女親子任何一刻,畢竟小朋友眨眼就長大。

(蘋果日報)