【網民大讚妹妹樣靚身材好】姚子羚:有啲唔習慣

    咁會唔會學似湯洛雯咁,兩姊妹一齊出嚟見人?子羚話:「咁要睇下佢肯唔肯,同埋有無客戶搵我哋啦,如果有嘅我或者請佢(妹妹)食餐飯啦。」

    姚子羚今日到尖沙咀出席護膚品店開幕,對於早前被傳媒及網民發現,原來有個現職now TV新聞主播嘅親妹妹饒慧珊,唔少人都大讚妹妹同家姐一樣咁靚,子羚表示:「唔知俾邊個發現到我有個妹妹,樣又靚身材又好,係性格比較怕醜啲。」

    子羚又話姊妹關係曝光後妹妹出街都有啲唔習慣:「佢始終唔係圈內人,仲未習慣出街俾人望俾人認得,我都有同佢講叫佢唔使驚,有人讚係好事。」

    早前姚子羚同胡蓓蔚、陳自瑤同李施樺幾姊妹去馬來西亞拍節目, 佢話:「我哋去咗好多地方,包括有機農場,親手摘生薑同紅蘿蔔。」又透露九月會同李施樺去東非旅行:「今次算係還咗個心願,終於可以去非洲睇動物大遷徙,而且同行仲係好姊妹,我哋仲約咗聽日一齊去打定預防針。」

    (蘋果日報)

    SHARE