甄詠珊、莊思明等今日喺中環參加髮型屋開幕活動，甄詠珊十月會開拍新劇，飾演懷舊年代角色，在言行舉止上有難道，依家不斷向前輩取經，將自己帶到回到過去年代。
近日甄詠珊喺網上上載整湯圓照片，佢話：「近日創作卡通湯圓，將以前細個鍾意嘅卡通融入湯圓之中，點知大獲好評，決定開班教小朋友，已經招收咗學生，會研究更多唔同款式甜品，希望可以持續開班，身邊好多朋友試過手勢後都讚。」仲同大家分享整湯圓小貼士，就係要用熱水開粉，咁先可以令到湯圓更煙靱。
見藝人麥皓兒（Joey）身形發福不少，她坦言不少人都說她肥了，她笑言：「我唔係有BB，其實之前拍《BB來了》，我都有問導演我需唔需要減肥，佢話我喺劇中飾演新手媽咪，啱啱生完未收身，個身形咁都好合理。」她解釋發胖原因是之前修讀學士學位，經常坐在電腦前寫論文，少郁動：「我要食甜嘢先有靈感寫論文，所以食多咗，加上我少咗拍劇同少做運動，作息定時，所以好吸收，心廣體胖。（肥咗幾多？）畀大家估吓，大家都話我係幸福肥，至於會唔會減肥就睇下部劇需要，我可增可減。」
劇集《BB來了》
Joey笑言一肥就全身肥，惟獨荷包沒有肥：「因為我用好多錢去買零食，其實我都幾大食，我有個花名叫黑洞，我好擦得，食量超過男士，一星期食四晚放題，一次過可以食兩盒燒味飯，壽司都食到30件以上。」
(綜合報道 / apple daily / on.cc)
