現年30歲的Jessica C.（JC），前年未婚生B，為安志杰誕下可愛B囡Tessa，去年兩人正式註冊結婚，婚後兩人繼續恩愛，不時都會喺社交網放閃，以及囡囡嘅生活照晒幸福。今年6月JC再為老公追多個B仔Elvis，一家三口變四口，幸福簡直升曬級！
光陰似箭，Elvis噚日已經兩個月大喇，JC喺Ig嘅Story就放咗囝囝嘅靚仔相，同埋佢同老公、囡囡幫囝囝慶祝嘅短片。雖然，Tessa一度瞓咗覺，但大家依然好開心，Tessa仲代細佬吹蠟燭，又做代表鍚細佬一啖。
JC就買咗個有維尼公仔嘅蛋糕。
除此，JC又放咗一張Elvis眼仔碌碌望鏡頭影嘅相，以及安志杰變身慈父，踎喺度o氹囝囝笑嘅短片，真係隔住個mon都feel到好有愛，而Elvis有爸爸陪玩當然開心，全程笑到卡卡聲。
(apple daily)
