【首現身解畫】張敬軒激讚工藤佑采:佢幾有智慧,唔隨波逐流

    歌手張敬軒(軒仔)出席品牌活動時,提到其IG頭像換上今屆落選港姐工藤佑采,他稱:「我睇咗佢嘅選美片段,覺得佢都採取幾配合嘅狀態,啲人話佢黑面,我唔係咁理解……」

    他續說:「佢係無論咩處境都be cool,要chok同有型,假設佢真係黑面,人係有黑面嘅權利,有時工作過程中遇到同事同上司做咗啲唔開心嘅嘢,為咗顧全大局要去做都冇計,咁就黑住面去做囉,都幾好。我哋呢行順得人嘅意識係常態,作為一個現代人,要為自己保留一個黑面嘅權利。(欣賞佢黑面?)幾有型,不過佢拉小提琴就要練多啲,我都有學過,但唔敢攞出嚟,參加選美活動對女仔嚟講唔容易,跳舞甩beat都唔係得佢一個,佢係慢咗一拍,唔係慢半拍,但又畀佢追得番,同我排演唱會跳舞時好相似,感同身受,搵到共鳴。」

    軒仔覺得對方幾識玩,因為對方的IG頭像又換上軒仔,他笑言想過跟對方一齊拍片玩:「當係交個朋友,雖然大家界別唔同,社交平台就係畀大家交個朋友,只要生命上有啲觀點有交集,幾鍾意佢嘅精神,佢冇話真心黑面,佢係冇表情啫。我以前個助手都係咁,我成日問佢係咪唔開心。」

    軒仔稱雖然工藤佑采未有當選,但風頭不亞於三甲:「我當佢個頭像係emoji,呢幾日我答同事嘢都係用佢張相,佢又靚女呢,覺得佢答嘢都幾有智慧,唔係隨波逐流嘅女仔,佢會be yourself,係吸引人嘅女仔。」

     

     

     

     

    (on.cc)

    SHARE