一姐雖然被封為「宅男女神」，但係呢個女神稱號對佢似乎冇乜困擾，佢依然繼續做自己想做嘅嘢！好似有傳媒日前喺銅鑼灣見到佢，嗰陣佢唔係同男友拍拖行街街，而係同埋經理人一行5人出現！
佢哋幾個人好好傾，話晒銅鑼灣有咁多嘢食，傾傾吓覺得有啲肚餓，好自然走去搵地方醫肚。
結果佢哋一行5人去咗拮魚蛋，去到嗰間小食店，大家好快手咁一手拎咗一串，之後做咗一個類似「乾杯」嘅手勢。
大家就企一邊一齊食，雖然嗰陣好多人眼望望，但係心美一於懶理，食食吓仲走去研究隔離雜貨舖啲嘢，食完就上咗去附近一間商業大廈！
ViuTV一姐黃心美係TVB花旦黃心穎大家姐，好多人都問心美點解唔跟埋妹妹去TVB拍劇，兩姐妹拍住上？
當時心美回答話因爲佢覺ViuTV自由度比較大，能夠遷就自己時間，所以開台至今都留喺ViuTV，到今時今日被封為ViuTV一姐，主要擔任節目主持、活動司儀一職，兩文三語話咁易，口才非常了得！
代表作包括近期《全民造星》做主持，要處理牙尖嘴利嘅導師、嘉賓同一衆參賽者嘅突發事，非常考應變能力同急才！
早前擔任世界杯遊戲節目《全民星戰》，與梁漢文、林敏驄擔任節目主持。
希望大家姐黃心美加油呀！同妹妹喺電視界一齊拍住上！
（綜合報道 / apple daily）
