今日係女星袁詠儀（靚靚）47歲生日，昨日佢老公張智霖（Chilam）就約埋一班好友，例如蔡一智、薛凱琪、丁子高等為壽星女搞咗個驚喜飯局。
之後靚靚就喺微博晒相分享喜悅，仲留言：「朋友聚會，剛得知明天是我的生日，特意安排生日蛋糕（都是朱古力），感覺自己真的是一個好幸福的人，謝謝你們！」
相中佢雖然以素顏出鏡，不過依然省鏡，仲舉V笑得相當開心！不過有網友就發現啲大合照過分被P圖，搞到靚靚、Chilam、丁子高塊面勁反光，令到好似塊鏡咁！
另外，靚靚好友楊采妮亦有喺微博發文祝對方生日快樂，仲晒出兩人嘅合照，果然姐妹情深！
(on.cc東網)
