【坦言女友單文柔都好辛苦】陳展鵬大方承認:行動勝於一切

藝人陳展鵬、梁烈唯等出席活動。

展鵬日前被發現跟女友單文柔到英國旅遊。

他大方承認去了一星期:「佢喺英國讀書,算係舊地重遊,現場有好多華人,我都有同啲小朋友影合照,冇所謂。(感情更進一步?)好好!呢兩年我有好多緋聞,佢都辛苦,陪住我,我好感激佢,我性格唔係好Sweet,行動勝於一切。」

講到胡定欣社交網unfriend咗展鵬 ,展鵬話:「其實係半年前嘅事,因為好多傳媒對我都好敏感,而透過我嘅ig,會搵到好多我朋友嘅相,唔想佢哋被cap圖,所以大部分嘅女藝人同朋友我都刪除咗,都係保護佢哋。」

對於定欣有傳唔續約無綫,展鵬話:「希望百花齊放,如果真係離開TVB都可以返去拍吓劇。」

 

(綜合報道)