藝人林盛斌（Bob）同老婆Pearl上年8月誕下囝囝Jaye，成功追仔！原來Jaye唔經唔覺已經一歲大，之前Bob要入院做通波仔手術，未能及時為仔仔慶祝一歲生日，幸運地最後都可以一家六口齊齊為Jaye慶生。
人頭多到數唔到，大家可以慢慢數…
Jaye 其中一個最令人羡慕嘅重點就係經常有三個家姐愛錫同愛護，四姊弟相親相愛，絕對唔會爭寵架！
一歲人仔，除咗慶祝生日之外，近排仲有咩新搞作呢？
原來仲啱啱學識行，難怪家中所有成員都咁興奮！
Bob同Pearl育有三個女，三個女作為家姐當然好錫細佬，見到細佬識得慢慢行過去爸爸度，三個都興奮到拍掌大叫。
真係恭喜晒Bob呀！Jaye嘅成長又邁進一大步喇！Jaye要逐步逐步慢慢行，記得要等埋爸爸呀！
而作為廿四孝爸爸嘅Bob，亦難掩喜悅笑到見牙唔見眼，個樣開心到似足中頭獎！之後，Bob就將呢段咁珍貴嘅片段放咗上微博同網民與眾同樂，仲搞笑留言：「屋企D（啲）觀眾真係好專業……」
影片如下：
(ig / 綜合報道)
