【著哂平底鞋接機】岑麗香親自回應有喜消息

藝人岑麗香（香香）被傳懷孕，有指她與老公不時睇樓，準備買大屋迎接BB，又被拍到穿平底鞋接媽媽機。

有傳其母來港為照顧有孕的香香，香香對此一一否認：「平時開工都要着高踭鞋，所以放假會着平底鞋。近期冇去睇樓，報道講嘅都唔係真，我係去機場接媽咪，因為媽咪路過香港、逗留幾日探我。希望大家唔好打擾我嘅家人，佢哋唔係公眾人物，唔習慣面對鏡頭，唔想佢哋有不必要嘅壓力。」