唔少圈中人都係佢嘅好朋友，當中好多名人紅星，包括莊思明、胡杏兒及老公李乘德、李綺雯等都有出席，仲大曬合照。。。
藝人劉晨芝（Adrienne）向來人緣甚好，唔少圈中人都係佢嘅好朋友，今個月7日踏入37歲嘅佢，呢日就獲得一眾好友大搞生日會幫佢慶祝。佢喺社交網大晒生日會嘅合照，當中好多名人紅星，包括莊思明、胡杏兒及老公李乘德、李綺雯等都有出席。
相中見Adrienne以一身橙黃色低胸戰衣上陣，Sharp爆成為全場焦點。佢先同全女班影姊妹合照，再換上全男班，實行要做「萬綠叢中一點紅」，認真「艷福無邊」！
佢亦喺留言多謝每一位蒞臨生日派對嘅好朋友，並透露呢個禮拜仲有好多慶祝活動。
(on.cc東網)
