「富察皇后」秦嵐噚晚就係尖沙嘴出席完化妝品品牌活動後，原來佢仲有下場㗎，就係約咗偶像見面喇！喺社交網就貼咗同秦嵐嘅合照，原來呢個係古巨基老婆Lorraine嘅特別安排。。。
今日周慧敏(Vivian)喺社交網就貼咗同秦嵐嘅合照，原來呢個係古巨基老婆Lorraine嘅特別安排，Vivian留言話：「昨晚，古太請我去給秦嵐驚喜，連古生（古巨基）也不知。秦嵐，1個令人很舒服又有禮的女孩，恭喜妳在《延禧攻略》演出那麼成功，也謝謝妳對我的愛，祝福妳。」
難得能夠同偶像合照嘅秦嵐同Vivian、基仔合照時，就顯得有啲怕羞，而基仔噚晚就喺fb開live，同大家一齊分享，一開始時佢都話自己有啲擔心，因為能夠同兩位女神見面，好驚會被佢哋嘅fans揼佢喎！短片中，秦嵐話：「今(昨)天是我覺得很幸運和幸福的一晚，因為我真的可以見到我的女神了，而且今(昨)天晚上是給了我驚喜，我真的不知道慧敏姊會來，然後按門鈴的時候突然進來，我就整個人呆掉『哇，我的女神來了』。」
而有網民就大讚50歲嘅周慧敏同37歲嘅秦嵐，完全睇唔出佢哋年齡上有任分別，秦嵐就對基仔說：「前幾天我們朋友都在講說，我們有1個人生的榜樣就是『周慧敏』，因為前陣子她開了演唱會，然後她那個照片就被流出來，大家看了『哇，天啊，她怎麼可以永遠那麼女神』，然後我們女朋友經常會發出慧敏姊的照片，我們一要多吃東西，她就會說『妳還想吃嗎？妳想不想以後跟她一樣，所以妳一定要控制好好保養』。」佢仲同Vivian講：「妳現在是我們所有女生的楷模、榜樣。」Vivian聽到就有啲唔好意思咁話：「不好意思，謝謝妳的讚美。」而秦嵐更即時唱咗Vivian嘅廣東歌《自作多情》，但只唱了一句：「不要自作多情去做夢…」就怕醜到唱唔落去。
原來基嫂Lorraine係秦嵐嘅海外經理人，又係周慧敏嘅經理人，Lorraine喺電話說：「基仔同秦嵐拍完《還珠格格3》好friend，我做咗秦嵐海外經理人，基仔成日帶住小師妹做嘢，秦嵐一直好鍾意Vivian，成日問點解佢咁靚，基仔都叫過我幫佢哋安排飯局，所以15年前秦嵐嚟香港，我約過佢同Vivian食飯；噚日佢又提到最鍾意偶像係Vivian同劉德華，我咪再約Vivian畀個驚喜佢。」
(蘋果日報/on.cc東網)
