【產後腫脹、抑鬱情緒…】宋熙年:原來仲有好多生B前未預計過嘅問題

廣告

廣告

廣告

藝人宋熙年(Sarah)早前為老公陳智燊(Jason)誕下囝囝。

廣告

呢日佢更新社交網,分享做咗2個星期新手媽媽嘅感受。佢晒出一張之前佗B時嘅孕照,並用英文留言講述自己嘅心路歷程。

廣告

佢提到話明白做媽媽嘅路唔係好似喺公園散步咁簡單,而係漫漫長路,懷孕只係呢條路嘅開始。佢續指產後呢幾個星期好有挑戰性,而佢已經為餵人奶及不眠不休照顧BB做好準備,但原來仲有好多生B前未預計過嘅問題,包括產後腫脹、抑鬱情緒、賀爾蒙失調及傷口恢復等等。雖然要面對咁多問題,不過佢就表示當抱住BB,老公又攬住自己嘅時候,就覺得一切都值得。

宋熙年又話當抱住B仔同被老公攬攬時,先令佢重拾理智,又自封「瘋狂媽媽」,希望回復昔日嘅自己同感言「世上只有媽媽好」。

 

 

 

(ig/on.cc)