「富察皇后」秦嵐日前旋風抵港，引起一陣熱話，劇中飾演弟弟「富察傅恒」嘅大陸男星許凱，近日亦喺北京機場被人野生捕獲，但就突然「走樣」，脹咗一個碼，肥到連頸都冇埋，令唔少粉絲心碎。
櫻洛同傅恒未能有情人終成眷屬，令唔少人傷心。(互聯網圖片)
「傅恒」生得高大、靚仔，人又細心，係魏櫻洛嘅初戀情人兼至愛，唔知係咪《延禧攻略》已拍完一段時間，傅恒養尊處休得太耐，搞到食肥咗。
原本好Fit~
發咗福？
許凱上周六(8號)喺微博留言︰「感謝各位老師！今天收獲很大，導致胖了一點點點。」但當時就冇貼相，估唔到真係肥咗咁多，佢喺機場着咗一件格仔恤衫加牛仔褲，起初見有人影相即尷尬用衫遮面，後來先大方被影。其「發福圖」喺網上瘋傳，有人話許凱現在肥到似卡通人物「車厘龜」，更有人留言﹕「我和許凱的愛情結束了」，看來許凱都要加把勁操fit，留住粉絲嘅心。
(apple daily)
