【Jaye愈大愈可愛!】Bob一家坐定定勁專心原來係⋯

藝人林盛斌(Bob)平時工作咁忙,要抽到時間陪小朋友都唔係咁易,不過昨日因颱風吹襲,所有工作都要取消,就畀咗個機會佢可以享受親子樂。

Bob喺社交網上載一張佢同小朋友一齊睇電視嘅相,見到佢哋睇得咁入神,原來佢哋係一齊欣賞緊爸爸嘅節目,難怪Bob都話:「放心放心,佢哋幾個同埋班小精靈好安全,好歎咁睇緊爸爸做嘅電影、電視劇同節目。」Bob平日咁忙,之前仲入埋醫院,一家人齊齊整整喺屋企睇吓電視好似好簡單咁,但相信對Bob嚟都已經好開心!

大家庭真係好熱鬧!

(on.cc東網)