雖然事業運急升，多咗唔少劇本邀約，不過佢今日透過Instagram宣佈懷孕消息，稱自己會先放慢事業腳步，專心安胎準備生B，獲粉絲留言祝賀。。。
於韓片《毒戰寒流》(韓版《毒戰》)中飾演已故男星金柱赫老婆嘅35歲女星陳瑞妍，憑片中出色演出而人氣急升，更有份角逐今年「第27屆釜日電影獎」嘅最佳女配角。
雖然陳瑞妍事業運急升，多咗唔少劇本邀約，不過佢今日透過Instagram宣佈懷孕消息，稱自己會先放慢事業腳步，專心安胎準備生B，獲粉絲留言祝賀。陳瑞妍寫道：「2018年注定係我人生中嘅花樣年華，我將與即將誕生嘅BB一齊走過呢一年，將以『演員』、『媽媽』嘅使命去準備之後嘅人生，為大家帶來好嘅作品，謝謝大家。」據悉陳瑞妍預產期喺11月初，不過佢未有透露BB性別。
而陳瑞妍嘅所屬事務所亦表示，陳瑞妍早前完成《毒戰寒流》嘅宣傳後，就已經返到德國柏林，喺家人陪同下專心安胎。
(蘋果日報)
