【明知就生得仍然百無禁忌】B仔出世喇 老公錫到燶!

今日37歲生日,同時亦都係佢囝囝生日——今日喺IG Story報喜,BB已經出世喇!片中見其中印混血兒老公Jason抱住BB咀咀,暫未見老婆亮相。

之前名模Rosemary曾透露今日係預產期,為迎接小生命來臨,兩公婆已準備一間白色佈置嘅BB房,朋友都送咗大批BB衫畀佢。

雖然明知就生得,但Rosemary仍百無禁忌,月初大住個肚足踏四吋高踭鞋行騷撐何國鉦入行25周年。

未幾又被拍得做「跟得夫人」、陪老公去中環夜蒲,肚大如籮一樣可以身穿大露背短裙上陣,仲做埋柴可夫車老公返歸,真係寫個服字。

Rosemary好姊妹貝安琪就好開心,佢話:「真係好戥Rosemary同Jason開心,Rose嘅狀態好好,睇咗好多BB相,BB非常得意,相信所有BB出世嗰時都似爸爸多啲,今日冇時間,呢幾日會去探佢。」

好姊妹貝安琪

 

 

 

(apple daily)