江若琳（Elanne）同「生煎包王子」蕭潤邦（Oscar），將於年底12月23日舉行婚禮，兩人6月初已經影好婚紗相。
Oscar今日喺ig貼咗張相，相中見到新郎同新娘跪喺度向長輩斟緊茶，後面有班兄弟同姊妹們，睇落仲以為Elanne同Oscar提早行禮？
原來今日係Oscar細佬爬頭結婚先，Oscar留言︰「我細路池哥結婚喇，我老母驚佢新抱改變主意，箍實咗新娘子！好瘋狂！勁開心！」據Oscar咁講，論到佢結婚時，阿奶奶會唔會同樣咁樣箍實Elanne呢？
(apple daily)
