今年6月喺社交網宣布即將做爸爸，雖然佢2017年已經同女友Joan喺外地簽字，但佢都有再喺香港註冊畀個名分太太。
佢今日喺社交網上載咗一張攬住老婆嘅相，留言：「多謝大家關❤～#marriedman #好彩譚太都好鍾意黑色」，樂隊Mr.成員Dash（譚健文）貫徹一向低調處理感情事嘅風格，相中見唔到老婆嘅樣，淨係見到着上露肩裙嘅Joan肚凸凸，而Dash就舉起勝利手勢晒出婚戒，簡單嘅相片已經感受到滿滿嘅愛意，真係恭喜晒！
Dash接受訪問時表示：「個註冊儀式係簡單而隆重咁進行啦，得我同太太嘅父母、我細佬一家人，仲一位識咗好多年嘅朋友，好簡單咁就完成咗，心情好平伏吓，因為心思擺晒喺太太同（未出世嘅）小朋友度，都係簡單註咗冊同食咗餐飯。」
他又說因為想儀式簡單些，連化妝及髮型也欠奉，所以未能發靚相給傳媒，或等小朋友出世後才再跟歌迷分享其喜悅，而Dash的BB預計在9、10月出世。
(綜合報道 / on.cc / apple daily)
