【不過網民就發現囝囝愈嚟愈…】Chilam靚靚魔童手拖手超有愛

藝人張智霖工作接工作做唔停,不過點忙佢都會抽時間陪吓寶貝仔張慕童(魔童),近日佢同太太袁詠儀(靚靚)帶魔童去咗非洲肯雅旅行,靚靚就喺社交網發放非洲之旅嘅點滴。

其中一張相佢哋三個手拖手喺草原上漫步,加上夕陽斜照好有意境,成個畫面充滿愛!

除咗同一大班朋友圍住火堆傾偈之外,魔童仲識到新朋友仔,佢同當地嘅小朋友搭住膊頭合照,有網民就話魔童愈嚟愈瘦,仲話佢今個暑假好似冇乜高過,睇嚟魔童都要食多啲嘢先得啦!

(on.cc東網)