【預產期於明年3月】傳碧咸嫂Victoria懷第五胎

英國萬人迷碧咸（David Beckham）後日再到香港，到中環出席友邦保險活動，身在北京嘅佢昨日登長城拍照留念。

談到私生活方面，早前八卦雜誌《OK！》爆料指碧咸嫂Victoria又再大肚，內容仲話佢兩夫妻招待好友搞小型party宣佈喜訊，爆料人指當時碧咸眼濕濕，仲同友人透露Victoria佗緊第五個結晶品，又話已知道係個女嬰，預產期係明年3月。

哈七就嚟做家姐喇！有個妹妹陪佢玩添！

最近哈七轉咗新髮型，短咗好多！似足媽咪咁有型~

其實，一直有指44歲嘅Victoria心思思想生第五個B，前年都曾誤傳碧咸嫂嘅懷孕消息。對於大肚傳聞，碧咸夫婦暫未有任何回應。