【育有2女2子】「千億新抱」李徐子淇:生多啲好啲

    天王郭富城(城城)出席慈善晚宴,同場有籌委會主席「千億新抱」李徐子淇(Cathy)與老公李家誠、溫碧霞與老公。

    提到太太方媛再度有喜,問城城之前講過喜歡多人的家庭,他未聽完問題即刻落閘說:「今日唔講呢啲,如果有好消息會同大家公布。(係咪要恭喜你?)暫時無可奉告。」

    Cathy表示很開心邀得城城到場,大讚對方熱心公益,並希望籌夠錢在柬埔寨起9間學校給小朋友。城城認同知識可以改變命運,想在貧困地方給小朋友一個安全和妥善的學習地方。講到Cathy經常到外地探訪,問到城城都可想一起?他說:「當然想,但唔係淨係我,都希望帶埋自己小朋友,等佢大個之後,等佢成長過程有正能量,可以幫助其他小朋友,我做咗爹哋之後感覺強烈啲。」

    問到有四個小朋友的Cathy可會鼓勵城城生多些?

    育有2女2子的Cathy即幫口說:「一個小朋友唔夠熱鬧,生多啲好啲。」城城點頭笑言:「係嘅,但要順其自然,總之有好消息會同大家分享。」

    兩人可會交流湊B經?Cathy說:「佢應該熟手啲,我唔記得點湊啦,我啲小朋友都大個。」城城說:「我嗰個啱啱1歲,仲有好長時間,覺得學習好重要,爹哋好大責任。(會唔會陪囡囡一齊學習? )我真係好忙,啱啱喺韓國拍戲飛返嚟,其實我都好想可以喺香港拍戲,可以照顧屋企。」問到可會留港陪家人過中秋?城城說:「下個禮拜先係。(咁會唔會?)我真係好忙,又要拍戲,又要為電影宣傳,好彩依家拍戲嗰度肯畀我請假飛返嚟。」

     

     

     

     

    (on.cc)

    SHARE