藝人林盛斌（Bob）屋企有四條Queen同一個小王子，身為一家之主嘅佢負擔都咪話唔重，早前佢就捱壞身子要緊急入院做通波仔手術，好彩依家已經冇事！
而今日係佢嘅39歲生日，太太Pearl上載咗張Bob同仔女嘅合照，留言：「呢位（我心目中）最好丈夫、爸爸、司機、康樂部主管、司儀、老闆，49歲生日快樂！都話咗四個斷擔挑，所以你要保重身體，繼續陪啲小朋友㗎！」
雖然呢段祝福閃到大家盲，但有個更大嘅亮點就係Pearl竟然搞錯咗個歲數，足足令老公大咗十歲！唔少網友都即刻留言問點解Bob老咗咁多，Pearl發現之後就即刻更正番，話可能係太眼瞓喇，咁又係呀，要照顧四個小朋友真係唔容易！
(on.cc東網)
