【西裝眼鏡LOOK超搶鏡】李嘉欣7歲囝囝家教好!

    琴晚係農曆八月十五中秋節,好多人都會約埋屋企人食飯慶祝,好似許晉亨同李嘉欣夫婦咁,今年都唔例外。
    琴晚6點40分左右,佢哋一家三口坐七人車到達灣仔福臨門食飯做節。

    坐喺車頭嘅許晉亨率先落車,之後去後座扶妻兒落車,李嘉欣今年着連身裙現身。

    之後到佢哋個仔許建彤(Jayden)到車,已經7歲大嘅Jayden着住西裝,戴住副眼鏡現身,超搶鏡!

    Jayden高到就嚟去到媽咪膊頭喇!

    當記者上身向許氏一家三口送上祝福時,Jayden 好有禮貌同家教,回番記者:「中秋節快樂!」

    到李嘉欣行入酒樓等電梯時,佢似乎刻意俾囝囝企喺佢哋兩公婆前面,入電梯後又俾個仔企入邊,似乎想減低囝囝嘅曝光機會。

     

     

    (on.cc / apple daily)

    SHARE