【眼淚會自己湧晒出嚟】阿Sa：希望糖尿病同白內障唔會令到你痛苦

歌手蔡卓妍（阿Sa）養咗五隻狗狗，其中三隻仲係今日中秋節生日，身為「媽咪」嘅阿Sa當然要同佢哋慶祝啦！

阿Sa喺社交網上載攬住「壽星狗」月餅、冰皮、「椂柚」嘅溫馨合照，啲「小朋友」仲識望住鏡頭笑，真係好可愛。

阿Sa留言話：「中秋節快樂　我老細生日快樂　話咁快12歳喇！月餅我希望你隻腳腳可以快啲好返（番）唔好再跳上凳凳喇 你唔細㗎喇 好容易整親㗎　冰皮呢仲係成個bb咁 我希望你可以繼續BB落去 繼續做最上鏡小姐 我哋屋企嘅公主　細佬椂柚我希望糖尿病同白內障唔會令到你痛苦 繼續傻傻地開開心心 就係我而（依家）家最大嘅心願」阿Sa仲hashtag：「你哋健康快樂我就快樂」、「叮噹可否不要老」、「呢句嘢魔力好大」、「講完啲眼淚會自己湧出嚟 」，真係當正仔女咁錫呀！

(on.cc)