【晞晞好叻女】幫細佬換尿片超有愛！

藝人李蘊上月誕下囝囝羅明新（小新），為家庭添一名成員。

作為媽媽當然就希望見到自己小朋友乖巧健康。呢日李蘊就喺社交網分享咗一張溫馨相，相中見到囡囡羅紫晞（晞晞）好叻咁幫弟弟換尿片，仲換得似模似樣，真係好叻豬！

而弟弟亦都好乖瞓喺度畀家姐換，真係睇見都覺得好溫馨，佢仲話：「晞晞：我識幫細佬換片片 叻唔叻豬呢？」大家都話小朋友咁乖，李蘊一定好安慰呀！

(on.cc東網)