處境劇《愛．回家之開心速遞》好評如潮，幾度添食，有望打破《真情》集數紀錄！
而當中幾條感情線都備受關注，其中飾演「Mandy」嘅謝芷倫（Jan）同馬貫東嘅感情線亦深受觀眾喜愛。
不過，日前劇組出席活動時，有網民就留意到台上嘅布景板唔見有Jan嘅身影，相反，除了「熊氏」一族如呂慧儀、許家傑等角色「板上有人」，馬貫東自己一人都有份，咁點解係Jan冇咗呢？
網民都即刻紛紛喺討論區留言戥Jan唔抵，覺得應該加番佢落宣傳照，更有人表示驚Jan係準備離開劇組而「被消失」！
雖然網民反應熱烈，不過Jan心情就未有受到影響，佢仲喺社交網大晒當日活動花絮相，仲留言分享同台下觀眾互動嘅趣事：「話說當天有個小女孩好喜歡我條裙，話係公主裙，要爸爸買畀她。」
(on.cc東網)
