「楷女郎」郭嘉文（Karmen）同「小小超」李澤楷拍拖兩年，不過今年夏天李澤楷被指同一位長腿索女同遊泰國，經《蘋果》追問之下，李澤楷向郭嘉文派定心丸，又解釋呢位長腿索女其實就係郭嘉文。
暑假擺明就係去玩嘅日子，點會淨係去得泰國一個地方度假咁少，郭嘉文今日就喺ig投訴唔夠喉，佢喺ig留言話：「One more summer please.（麻煩多一個夏天）」當然佢仲有附上一張罕見泳衣，晒出佢嘅玉背啦！
不過佢tag嘅地方唔係同小小超去嘅泰國，而係另一個香港人旅遊勝地峇里，呢張相，早排去完旅行嘅黃心穎都有俾like話張相影得好，郭嘉文就覆番佢，要多謝姊妹成日都幫佢揸機。
(蘋果日報)
