【兩個哥哥錫到燶】鄺文珣囡囡Chesney真係超可愛!

    鄺文珣06年與商人應德榮結婚後,先後生咗兩個囝囝,大仔Cadence已10歲幾,二仔Casper都8歲。

    鄺文珣本來兩個晒數,但舊年發現又有咗,追女成功,全家都好開心。

    話咁快又一年,本周二「追月」仲係Chesney嘅1歲生日,呢個大日子,當然一家五口溫馨度過。

    Chesney眼仔碌碌,五官精緻,完全倒模自靚媽咪,由於佢係家中孻女,當然孻心肝,唔止係爹哋小情人,兩位哥哥都錫到妹妹燶。

    鄺文珣特別為壽星女Chesney搞生日會,除親力親為佈置,又訂大蛋糕,仲同Chesney扮靚靚,變身小公主,加上Chesney頭髮濃密,齊蔭頭更加可愛。

    兩位哥哥都爭相要給妹妹birthday kiss,結果係咁錫唔停,妹妹成面濕晒,成為生日會上一個趣事。

    (蘋果日報)

    SHARE