佢琴日被發現同女友十指緊扣拍拖，佢哋仲去咗九展婚紗展，同行仲有另一對男女友人，似乎係對對碰拍拖行婚展，佢哋都逗留咗一段時間，仲拎住袋嘢，好有收穫咁。
二人拍拖3年，感情穩定，近年發展唔錯嘅農夫嘅鄭詩君（C君）仲買車租樓，照顧埋DJ女友黃天頤嘅生活，大家都視對方係將來伴侶，一齊努力朝目標進發，C君已計劃明年娶老婆。
農夫拍住Do姐一齊揾銀，長有長做！
l現年34歲嘅C君，之前接受周刊訪問，提到自己出世嗰陣已經患有重型地中海貧血，每個月都要入院輸血，同時亦提到佢喺12年本來女友Gloria結婚，點知喺結婚前夕，女方突然悔婚出走，之後Gloria搭上C君好友，搞到C君情緒崩潰。（相關新聞：https://goo.gl/HSLHTu）
C君14歲時受訪的片段，前陣子網上熱傳。
不過幸運地好快遇上現任女友黃天頤，佢哋仲夾，而C君錫女友錫到燶，係絕世好男友。
C君最近接受《蘋果》電話訪問時話：「去婚紗展原因係我朋友就嚟結婚，我亦打算明年同女友結婚，所以咪一齊去，睇下有乜要準備，參詳下有乜嘢要book，例如場地，大概價錢係幾多，獲得好多資訊，又有好多人同你講恭喜，好開心㗎！」
(apple daily)
