台灣藝人小S（徐熙娣）言論一向大膽，完全唔怕得罪人，所以佢主持嘅節目一向受歡迎，令觀眾睇得好過癮！最近小S就去咗巴黎時裝騷，巧遇「魏瓔珞」吳謹言和「嫻妃」佘詩曼，原來小S都係《延禧攻略》嘅粉絲，所以見到兩位都忍唔住要合照，但佢竟然敢話阿佘塊面好繃！
佢喺社交網留言話：「陪我渡（度）過好ㄧ陣子的延禧攻略，今天在Valentino的秀相遇，吳謹言還真瘦！佘詩曼臉好繃，但我好時髦喔！」最搞笑係粉絲竟然唔係睇3個靚女，而係留意到左上角一個瘋狂自拍的路人，仲搞笑話：「我只注意到後面那位⋯，天啊兩張照片她都好搶鏡頭。」
(on.cc東網)
