【傳家暴後】洪欣現身醫院回應

    洪欣因微博一句「打女人的男人要不得」,引爆家暴疑雲,雖然洪欣即時將微博刪除及現身解畫!

    今日洪欣與女兒現身香港某家私家醫院,穿上長袖衫褲,手執一個膠袋。

    記者即時致電洪欣慰問,她表示女兒生眼瘡往求醫:「我囡囡有眼瘡,一路都睇開呢間醫院嘅一位醫生,今日去覆診,因為要趕住送佢返學,所以都幾急趕。」談到與老公張丹峰的近況,她笑言:「好好呀,我哋嚟緊仲一齊工作,好開心。」

    洪欣親自解說原來只是一場烏龍:「尋晚睇到一個視頻有位阿婆畀個男人打,好氣憤,所以連埋段文字轉發,點知個視頻出唔到,我跟着又忙住湊個女,所以今朝先知呢件事。」洪欣笑言這樣的烏龍事已非首次,但之前會自己先發現:「其實呢個情況,以前試過好多次,但自己會睇番知道,但因為今次個女扭計搞咗好耐,又好夜唔瞓,要氹佢瞓,所以唔知道個視頻出唔到,引起咗咁大迴響。」

    (on.cc東網)

    SHARE