【斷交6年終於破冰】三人關係一度僵持 因為黃耀明今日合體

    直到琴晚,二人終於破冰!二人好友黃耀明最近喺日本開騷,得多位圈中好友赴日支持,當然要喺社交網晒出大合照以答謝好友,難得二人「不和」傳足6年之久,今次因為黃耀明而合體,雖然一個企前一個企後,但係呢張合照力證二人終破冰,仲可以柴娃娃喺日本街頭影相,二人亦笑容十足,有咩恩恩怨怨都解開晒啦!

    合照中就見到有何韻詩、容祖兒及楊千嬅現身,見到何韻詩、容祖兒「和好」聚首,最開心更加係二人嘅支持者,紛紛留言大讚,搞到何韻詩都回覆叫網友們冷靜啲。

    歌手容祖兒在2012年承認與劉浩龍拍拖,當時愛得轟烈戀得高調,二人好友兼劉浩龍前女友何韻詩卻表現激動,當時何韻詩公開拒絕向二人送上祝福,又取消關注「龍兒」的社交網,三人關係僵持,即使2015年何韻詩與祖兒在社交網重新互相關注,但仍鮮有交流……

    這段02年已曝光嘅好朋友關係,幾度離合。2012年,何韻詩的舊愛劉浩龍,竟然變成容祖兒現任男友,當時何韻詩寫道:「能毫不費勁一刀直插心臟的,往往是你以為最能信任的人。然後當此等事在生命中重覆發生時,就只能承認,是自己太愚蠢罷了。」之後更取消follow祖兒嘅ig。
    而其實鏡頭背後,劉浩龍都有陪住女友祖兒去日本力撐黃耀明,不過今次佢低調冇出鏡,唔知張合照會唔會係佢揸機嘅呢?如果係,就真係「皆大歡喜」喇~~

     

     

     

     

     

    (ig / on.cc)

    SHARE