【同何韻詩世紀合照】容祖兒首開腔直認關係⋯

    歌手容祖兒到澳門金光綜藝館演出,並請來Dear Jane一齊演唱新歌《心之科學》,至於祖兒剛從東京睇黃耀明演唱會返港,講到黃耀明將眾人一張大合照放上網。

    當中竟有斷交多時的祖兒和何韻詩,被形容為破冰的世紀合照,而兩方網民表現興奮,開心兩人重修舊好。

    現場見祖兒心情勁靚,她謂:「咁放假梗開心,係自已去㗎!捧明哥(黃耀明)場順便放幾日假,支持佢,畀啲愛佢,咁亦見到好多朋友喺後台影相。

    (同阿詩重修舊好?)其實從來冇唔好,我諗關係上冇太大問題嘅,成件事我覺得冇乜嘢啫,緣分囉。影咗張相大家開心,但我覺得觀眾好唔冷靜啦,搞到件事娛樂性好高咁。(Fans好激動?)咁都係睇場騷啫。」

    (on.cc東網)

    SHARE