【喺紅磡擺酒】今日出嫁啦!

    今晚一對新人會喺紅磡一間酒店中菜館擺喜酒。今朝一早新娘子已經抵達酒店準備,穿上紅色絲絨配上喱士旗袍嘅佢。。。

    現年33歲嘅「新聞之花」張文采(Wendy),15年同拍拖4年嘅大台前藝人羅鈞滿分手,曾在網上留言「o依家我重生喇!」又指自己浪費了4年青春。幸好終於「苦盡甘來」,甩拖後先搵到佢嘅Mr.Right,今日仲係佢嘅大婚日子添!

    今年五月,Wendy獲一班舊主播同事,包括姚雋彥、李朗怡等人為佢補祝生日,期間大家都稱呼佢做「準人妻」令婚事曝光,仲hashtag大家係#tvbuddies #將軍澳街坊福利會,賀佢雙喜臨門。而Wendy原來早於今年四月,已經同準夫婿飛去日本輕井澤影櫻花婚紗相。

    新郎哥一早出發去到紅磡一間酒店接新娘;大婚日可以搣甩「主播頭」嘅Wendy,今日出嫁將頭髮捲起,梳咗一個小髻,穿上紅色絲絨配上喱士旗袍。

    新郎接新娘後,就拖住新娘子喺酒店門外影相,穿上紅色旗袍嘅Wendy,一隻手攞住花球,一隻手拖住老公,夫婦二人甜蜜對望,一臉幸福!

    前大台新聞主播姚雋彥同Wendy老友鬼鬼,今日更加成為男丁「姊妹」,同幾位同樣係大台前主播馬秀荃、李朗怡、盤翠瑩等人齊齊擔任伴娘團,姚雋彥在社交網貼上與其他「姊妹」跟新娘子的合照後,還留言謂:「聽過你太多心事,但已經不再重要,眼見你要做新娘,做蜜友的真想撒嬌。」


    盤翠瑩(右二)及李朗怡(左二)都曾經係無綫報過新聞。

    張文采獲姊妹吻賀。

    Wendy老公Benedict係消防員,今晚一對新人會喺紅磡一間酒店中菜館擺喜酒。雖然張文采就未有上載新相於社交網,但就已經急不待換咗頭像,見佢低頭情深款走咁望住個花球,就知道佢幾咁幸福啦!

    (蘋果日報/on.cc東網)

    SHARE