【真係雙喜臨門!?】經理人爆料:祝福邁入人生新階段

    日前又傳出呢個消息,今日佢終於承認消息,而經理人都送上祝福,仲留言話佢邁入人生新階段。唔少網友都祝福佢。。。

    內地女星趙麗穎自今年七月中宣布暫時停工休息,即時傳出與男朋友馮紹峰好事近,仲話佢哋雙喜臨門,有傳趙麗穎有咗BB添!

    日前又傳出趙麗穎同經理人黃斌唔再合作,原因參照黃曉明,因為黃斌曾經係黃曉明嘅經理人,但曉明結婚後就冇再合作,令佢好事近呢個消息再度炒熱!

    今日身為當事人嘅趙麗穎終於喺微博回應,話真係唔再同黃斌合作,仲好多謝呢兩年佢一直嘅照顧同埋付出,祝福對方發展順利,她說:「感謝一哥黃斌這兩年來做出的巨大貢獻及由一哥黃斌帶領的團隊的辛苦付出!感恩!未來我們將各自重新啟航~願斌爸爸事業更加輝煌! 我們各自珍重!」

    黃斌爆要「邁入人生新階段」

    而黃斌亦留言指會記得同趙麗穎打拼事業嘅日子,又祝福佢進入人生新階段:「祝福穎寶邁入人生新階段。從這個新開始之後,我們也彼此回歸各自人生。我會銘記這些美好時日。謝謝一路並肩的團隊小伙伴這兩年多的努力,可以放個假了,對了,放假前,也要高質完成遺留的工作。」

    唔少網友都祝福趙麗穎,但亦都有網友研究「人生新階段」呢一句,仲估係咪指趙麗穎真係有喜事要宣布。

     

    (on.cc東網)

    SHARE