【袁偉豪超識做】原來岑杏賢張寶兒只差一日…

仲有一班昔日劇集《愛‧回家》演員好似高海寧、蔣家旻同埋張嘉兒以及好友朱千雪等,同佢齊齊開派對,真係隔住Mon都Feel嗰份熱鬧呀!

藝人袁偉豪舊愛岑杏賢同埋新歡張寶兒雖然唔同年份出世,但估唔到兩人生日只係相隔一日,真係世界真細小!

尋日(9號)30歲生日嘅岑杏賢,原來除咗有黃心穎同佢慶祝之外,仲有一班昔日劇集《愛‧回家》演員好似高海寧、蔣家旻同埋張嘉兒以及好友朱千雪等,同佢齊齊開派對,真係隔住Mon都Feel嗰份熱鬧呀!

至於袁偉豪現任女朋友張寶兒,就今日27歲生日,之前佢出席活動講過生日嘅時候會同男友袁偉豪以及袁媽媽三人行去旅行。


尋日佢兩個夜媽媽喺日本街頭二人世界,袁偉豪仲冧爆喺街頭唱生日歌畀佢聽,雖然就未見有禮物,但呢份心意已經令張寶兒笑到見牙唔見眼!

(on.cc東網)